اسكت وخل الكلام لجرحي الدامي

ماقلت لي شي وش خليت ما قلتهـ
اسكت وخل الكلام لجرحي الدامي

لو غيركـ الي يسولف ما تحملتهـ
لكن علشان عينكـ هانت ألامى

للحب مفهوم عمركـ ما تخيلتهـ
ما اظن يستوعبهـ تفكيركـ السامى

هذا الفراق الطويل وهذي أسئلتهـ
هذا حصاد السنين وهذي ايامى

يامـا ويامـا عليكـ البال طولتهـ
والعمر عدى وانا عايش على اوهامى

حتى طريق الفراق الي تساهلتهـ
لقيتهـ اصعب على نفسي من اقدامى

اصـبر شوي لو دمـي تـثاقلـتهـ
بحاول استوعب اللي صار قدامى

الحب ضحكهـ بعينكـ بس ما طلتهـ
عمركـ بهالكون شفتهـ ابسط من احلامى!

القلب لو ما خفق لكـ كان ما شلتهـ
ولو ما انت ملهم قصيدي جفت اقلامى

هذا قصيدي بعينكـ لو تجاهلتهـ
ينزف على شان يروي قلبكـ الضامى

العام طاري غيابكـ ما تقبلتهـ
واليوم حرماني اصبح مصدر الهامى

لا تعتذر لي وابنسى كل ما قلتهـ
وش ينفع العذر لامن ضاعت ايامى.